Nagdangat sa 500 ang mga nagpadulong sa Robinsons Mall sa Brgy Mandalagan, Bacolod City agud magparehistro karun nga nagahilapit na ang deadline sang voter’s registration.
Madamo sa mga ini ang mga iloy kag may man sang nagdala sang ila magagmay nga kabataan.
Ginhatagan naman sang prayoridad ang mga senior citizens, nagabusong kag may magagmay nga kabataan.
Ang mga ini ang nagpila sa kilid sang mall humalin sang aga padulong sa main entrance, kun sa diin kadungan sa pagbukas sang mall alas-9:00 sang aga, sila ang ginpahanugutan naman nga makasulod.
Kalakip sa mga nagpila ang pila ka mga residente sa Brgy Blumentritt, Murcia nga luyag magpatransfer sa Bacolod City.
Suno sa mga ini sila ang nagapuyo sa bahin sang Barangay Granada.
Paathag nila nga sila ang indi makabaton sang benepisyo gikan sa banwa sang Murcia bangod ginapahayag nga sila ang taga-Bacolod.
Apang ang mga ini ang wala nakadayun sa registration bangod sila ang wala sang ginahuptan nga ID nga naka-address sa Bacolod City.
Ginpanugyanan ang mga ini nga magkuha sang PhilHealth ID nga ang ila address ang Bacolod City agud makahingagaw sa pagparehistro antes ang deadline nga Setyembre 30.
