Nagapadayon sagihapon ang clearing operation sang mga militar sa encounter sa bahin sang Barangay Gatuslao, Candoni, Negros Occidental.
Madumduman sang Lunes nagluntad ang engkwentro sa tunga sang katapo sang 15th kag 47th Infantry Battalion sang Philippine Army kag remnants sang South West Front sang New Peoples Army kun sa diin nagdangat sa walo ang napatay nga rebelde.
Sa interview sang Bombo Radyo Bacolod kay Brigadier General Joey Escanillas, commander sang 302nd Infantry Brigade sang Philippine Army, padayon pa ang clearing operation sang mga militar sa nadiskubre nga ginahukmungan sang mga ini kag malapad ini kun sa diin indi pa mahambal kun ato pa didto ang mga rebelde ukon wala.
Suno kay Escanillas, bangud nga creek nadiskubrehan nga kampo sang mga rebelde kun sa diin narekober ang mga armas kag iban pa nga kagamitan sang mga ini, wala ang mga ini sang contact sa tropa sang lugar sa lugar apang ginpasiguro sini nga safe man ang mga ini.
Ginpahayag man sini nga ang militar ang nagapatigayon sang analysis agud matultulan kun sa diin ang ginahukmungan sang mga rebelde nga grupo santo sa nagliligad nga reports bangud wala man sang makatudlo sang specific locations sang mga ini.
Samtang nagpanugyan man si Escanillas sa mga nabilin nga rebelde nga magsungka ukon magbalik sa sabak sang gobyerno bangud wala man sang maayo nga pakadtuan ang ila nga pagkontra sa gobyerno.
