Gin-athag sang CEO kag presidente sang Miss Universe Philippines nga si Jonas Gaffud ang rason sa likod sang naglapta sa social media nga video nga pagpungkoy sini sang cellphone sa isa ka staff.
Sa coronation night sang prestigious beauty pageant nga ginpatigayon sa Mall of Asia Arena, Pasay City sang Mayo 2, nakit-an sa naglapta nga video sa social media nga kaangay ginhaboy ni Gaffud ang cellphone sa lalaki sa atubang sini bangod sa kaakig sang nagkaproblema ang mikropono ni Ralph de Leon.
Suno kay Miss Universe Philippines Executive Vice President Voltaire Tayag, naakig na si Gaffud bangod wala naga-gana ang mic kag gintawagan sini ang production apang wala man sang signal.
Suno diri, magkatupad lang sila ni Gaffud sang bangko sang natabo ang insidente kag klaro nga wala ini sang may ginpungkoyan.
Suno pa kay Tayag, makadlaw pa kun tani siya bangod ginapanumdom niya kun naguba ang cellphone nga ginhaboy.
Pahayag sini naintindihan niya kun ngaa dismayado si Gaffud kasunod sa tanan nga preparasyon sini.
Para sa iya, unfair nga ginjudge na siya gilayon sang mga tawo bangod lang sa amo nga insidente.
