Moderately Explosive Eruption, nagluntad sa Bulkan Kanlaon kaina sang aga; Posibilidad sang lahar flow, wala ginadula

Ginkumpirmar sang Resident Volcanologist sa Kanlaon Volcano Observatory, nga may reported ashfall sa San Carlos City, Canlaon City kag banwa sang La Castellana, kasunod sa nagluntad nga moderately explosive eruption sa Bulkan Kanlaon alas-7:33 subong nga aga.

Sa interview sang Bombo Radyo Engineer Mari Andylene Quintia, Resident Volcanologist sa Kanlaon Volcano Observatory, La Carlota City, Negros Occidental, ginpahayag sini nga naglawig sa tatlo ka minutos ang paglupok sang Bulkan.

Nagpaandam ini sa posible nga lahar flow sa bulkan bangud may pag ulan sa lugar tuga sang Bagyo Inday.

Panugyan sini sa mga pumuluyo nga malapit sa lugar nga magsuksok sang facemask kag magpabilin sa ila nga balay bangud sa posible nga ashfall hazard.