-- ADVERTISEMENT --
Padayon ang imbestigasyon sang Philippine Coast Guard sa water discoloration nga nagluntad sa baybayon sang ciudad sang Sagay bangod sa molasses spill sa Old Sagay Port.
Sa interview sang Bombo Radyo Bacolod kay Commander Jansen Benjamin, commander sang Coast Guard Northern Negros Occidental, ang molasses ang gina-load sa Mary Queen of Charity motor tanker nga ginabyahe padulong sa Batangas.
Suno kay Benjamin, ang molasses spill ang indi kaangay sa oil spill kag indi man tuman ka delikado apang makaapekto ini sa mga corals.
May yara naman sang water sampling nga ginkuha para mapaidalom sa test kag subong nga adlaw may yara sang scuba divers nga magaconduct sang underwater inspection.
