Nakahanda si former Silay City mayor Jose ‘Oti’ Montelibano nga ihatag sa iya kasumpong nga si incumbent Mayor Mark Golez ang ginpasuni nga iya balay sa Barangay Patag kun mapamatud-an sini ang propiedad nga yara sa sulod sang Northern Negros Natural Park nga isa ka protected area.
Sang ginpamangkot sang Green Alert Network Incorporated tuhoy sa ila plano sa NNNP, gin-ako ni Montelibano nga iligal ang tanan nga structures sa duta nga indi titulado sa Barangay Patag.
Sa idalom sang iya administrasyon, ginpakanselar ni Montelibano ang permiso sang 39 ka mga illegal structures sa Barangay Patag bangud sa paglapas sa regulasyon sang Department of Environment and Natural Resources.
Apang may ideya si Montelibano nga may illegal structure man diri ang pamilya Golez.
Sa iya nga sabat, ginpatutsadahan sang incumbent mayor ang anay opisyal kag gin-akusahan nga siya ang may balay sa protected area bangud kun may yara man sang propiedad ang iya pamilya, isa lang ini ka container van nga ginhimo nga temporaryo nga balay.
Suno kay Golez, nakakuha siya sang impormasyon nga may ginakadtuan nga balay sa Patag si Montelibano.
Apang suno kay Montelibano, titulado ang duta nga ginatindugan sini kag indi siya ang nagapanag-iya sini.
Bukas man ang ex-mayor nga ipalingling kay Golez ang titulo kun luyag niya, apang nagbalibad na ang incumbent mayor.
Yari ang pagsabtanay nanday Golez kag Montelibano sa Debate sa Bombo.
