Nagapati ang presidente sang Taxi Operators of Negros Occidental (TONO) nga bentaha ang motor vehicle inspection system agud nga mamonitor ang mga colorum nga taxi.
Nahibaluan nga ang MVIS ang bag-o nga programa sang national government agud mapasigiro nga road-worthy ang mga salakyan antes ini irehistro.
Sa interview sang Bombo Radyo Bacolod kay Mario Eusebio, presidente sang TONO, ginpahayag sini nga dapat gid nga mag-comply sila nga mga taxi operators sa amo nga pagsulundan bangud nga importante katama ang safety sang mga pasahero.
Dugang pa sini nga dako ang mabulig sang MVIS sa pag-eliminate sang mga colorum nga taxi.
Gin-athag man ni Eusebio nga madugay na sila nga may yara sang modernization program kun sa diin may yara sila sang regular nga repair kag maintenance gani nga indi sila mabudlayan sa amo nga polisa.
Iya naman nga ginabanta nga kapin 10% sang mga taxi sa Bacolod kag Negros Occidental ang possible ma-phase out kun indi magcomply sa MVIS.
Nagapangabay naman si Eusebio sa otoridad nga ipatuman gid ang guidelines agudto nga wala sang may makalusot nga mga salakyan sa amo nga programa.a
