Ginpanginwala ni anay Police Master Sergeant Dante Victor Escorpion nga may kaangtanan ini sa iligal nga druga.
Ini ang kasunod sang pahayag sang Criminal Investigation and Detection Group nga konektado sa Cuadra Gun for Hire Group si Escorpion kag isa ka high value target sang Police Regional Office 6.
Ginpahayag nga ginakabig man ini bilang lider sang Escorpion Gun For Hire Group nga naga-operate sa ciudad sang Bacolod kag probinsya sang Negros Occidental.
Sa interview kay Escorpion, ginpahayag sini nga indi patas ang akusasyon batok sa iya, sa baylo akig sa iya ang mga miyembro sang Cuadra Group bangud aktibo siya sa pagpangdakop sa mga ini sang yara pa siya sa Police Station 2.
Suno sa anay pulis, wala siya sang kilala nga miyembro sang Cuadra Drug Group kag haluson gani nga maglabay sa Barangay 2 agud makalikaw sa amo nga grupo.
Ginhangkat naman sini ang naghaboy sang amo nga akusasyon nga magpresentar sang ebidensya agud pamatud-an nga imbolbado ini sa illegal drugs.
Ginpanindugan man sini nga wala siya nagpagamit sa pulitiko sang aktibo pa ini sa serbisyo.
Date of airing: April 5, 2019
