Ginpulihan kag ginguba ang traditional jeepneys sang miyembro sang Kabakod Negros Transport Coalition Incorporated (KNETCO) sang mga miyembro sang Bacolod Alliance for Commuters Operators and Drivers Inc. (BACOD) nga nagapatigayon sang rally-protesta sa atubang sang old airport sa Barangay Singcang, Bacolod City.
Sa interview sang Bombo Radyo Bacolod kay Charlie Jalandoni, siya ang nagabyahe gikan sa Barangay Sum-ag kag padulong na sa Central Market sang makalabay ang mga ini sa rally.
Ginpapahigad ini sang katapo sang BACOD nga iya man nga ginsunod.
Apang hinali nalang nga ginpalibutan sang BACOD members ang iya nga jeep nga puno sang pasahero, ini ang gin-uya-uya gani napilitan ang mga pasahero nga magpanaog.
Suno kay Jalandoni, siya ang ginpulihan man buyayaw sang mga BACOD members tubtob nga may mga nagtapungol na sa iya.
Wala pa nakuntento ang mga ini kun sa diin ginbuka ang iya tail light, side mirror, kambyada kag ginsaksak sang kutsilyo ang royda.
Ang kahalitan ang ginabanta yara sa balor P25,000 tubtob P30,000.
Panindugan ni Jalandoni nga indi matuod nga siya ang una nagpanapungol bangod wala na niya ini napinsarsan sa kadamuon sang nagapuli.
Pahayag sini nga ginkuha pa ang iya cellphone kag sa isa pa ka driver bangod sila ang nagavideo, samtang matapos ang komosyon, ini ang ginbalik man kaupod sa iya wallet nga ginkuha sa iya bag.
Apang ang P5,000 nga cash nga ibakal sini kuntani sang battery ang wala na sa wallet.
Samtang ginaseguro naman ni Jalandoni nga sila ang may otoridad sa pagbyahe indi kaangay sa BACOD nga wala sang permit sa pagrally.
Pahayag sini nga parehas lamang sila nga indi luyag sa consolidation, apang ginapaagi sang BACOD ang ila pagpamatok sa harrasment.
Si Jalandoni ang nagpablotter na sa Bacolod Police Station 8 kaupod sang kapin napulo ka iban pa nga mga jeepney drivers nga nahalitan man sang grupo.
