Narecover sang mga otoridad ang tatlo ka Loader Machines; tatlo ka Packaging machines kag assorted paraphernalia nga ginagamit sa paghimo sang illegal nga sigarilyo.
Ini kasunod sang raid nga ginpatigayon sa LT Besañes Trading Corporation Rice Retailer/Wholesaler sa Purok Rosas, Barangay Calumangan, Bago City, Negros Occidental kaina alas 10:00 sang aga, Abril 21, 2026.
Natigayon nga maaresto ang siyam ka mga Chinese nationals nga ginlakipan nanday Fugong Jiang; Wu JianQun; Xu Ke; Li Hong; Ye Jun; A Yac; Tan Jing; Wu Shaobin kag Eron Chen samtang si Pan Zongxing naman ang at-large kag lunsay mga residente sang Purok Rosas, Barangay Calumangan, Bago City, Negros Occidental.
Nalakip man sa naaresto ang nga Pilipino nga sanday Lino Pasculado, 53 anyos, residente sang Brgy. Matab-ang, Talisay City; Jasper Jonh Bais, 28 anyos, residente sang Capitol Heights, Brgy. Villamonte, Bacolod City; Romeo Mahinay, 56 anyos, residente sang Sitio Tubod, Brgy. Macagahay, Moises Padilla, Neg. Occ; kag Remar Aballa, 16 anyos, residente sang Brgy. Mabira, Sagay City.
Natigayon nga madiskubrehan ang warehouse nga nagahimo sang illegal cigarettes paagi sa joint operation nga ginpatigayon nanday Kitchie J. Alvarado, Cashier III kag BPLO Designate kag Kirk Adrian A. Koudroglou, BPLO I, Bago City, RID PRO-NIR nga ginpangunahan ni Police Col. Jay Dimaandal, CIDG RFU NIR, kag Bago City Police Station.
