Naguba nga taklob sang manhole sa Lacson St, Barangay Mandalagan, Bacolod City; nakay-o na

Ginakay-o na sang Department of Public Works and Highways (DPWH) ang naguba nga taklob sang manhole sa Lacson St, Barangay Mandalagan, Bacolod City.

Madumduman nga pila ka beses na nga ginareklamo ang guba nga taklob sang manhole bangod delikado ini sa mga nagalabay sa area.

Paagi sa Ipa- Bombo Ta Segment sang Bombo Radyo Bacolod, ginpadangat sa DPWH ang problema agud mahatagan sang solusyon.

Una na nga gintabonan sang steel plate ang manhole apang nagakakas ini.

Ginbutangan sang kabliya para ma-lock ini apang nagakakas man sa gihapon.

Sa karun, ginakay-o na ini kun sa diin may yara na sang ginbutang nga kabilya para sementado na ang taklob sang manhole.