Nagapanawagan ang National Police Commission sa tanan nga luyag nga magkuha sang Philippine National Police Entrance and Promotion examination sa Abril 27, 2025.
Ang schedule para sa pagbaton sang walk-in applications para sa mga kapulisan sa Negros Occidental kag ciudad sang Bacolod ang natalana sa Marso 21 kag Marso 24 kag 25, 2025.
Sa interview sang Bombo Radyo Bacolod kay Atty. Michelle Benitez Yotoko, ang personnel sang NAPOLCOM Regional Office 6 ang magapadulong sa Negros Occidental Police Provincial Office (NOCPPO) agud nga magbaton sang mga applications sang mga walk-in applicants agud indi na sila magpadulong sa opisina sang NAPOLCOM sa Regional Office 6 sa ciudad sang Iloilo.
Suno kay Yotoko, ang mga nakapaschedule naman sang application online nga residente sang probinsya kag ciudad sang Iloilo ang mahimo makapadulong sa NOCPPO agud nga maproseso ang ila application para sa pasinawan.
Dugang pa sini nga dapat dal-on ang kumpleto nga mga requirements nga kinahanglan para sa applicantion sa pagkuha sang nasambit nga examination.
