Gin-anunsyar sang Department of Justice (DOJ) kahapon ng naglab-ot na sa P841 million nga cash ang na-recover naggikan sa pila ka mga indibidwal nga imbolbado sa flood control controversy kag na-remit na sa national treasury.
P500 milllion ang nabalik ni anay Department of Public Works and Highways (DPWH) Undersecretary Roberto Bernardo.
Samtang, P181 million naman ang nabalik ni DPWH Bulacan District Engineer Henry Alcantara, P140 million naman naggikan kay anay DPWH Regional Director Gerard Opulencia, kag P20 million halin sa contractor nga si Sally Santos.
Suno sa DOJ, ang mga nasambit nga indibidwal ang nakapaidalom subong sa Witness Protection Program.
Ginpahayag man sang DOJ nga nagapadayon ang ila koordinasyon sa Office of the Ombudsman agud maduso ang mga kaangot nga isyu.
