Nagdangat na sa tatlo ka mga tawo ang napatay sa nagluntad nga pagtiphag sang landfill sa Cebu City.
Suno sa Bureau of Fire Protection (BFP) Cebu City nga ila ulihi nga narekober ang isa ka bangkay sang babayi pasado alas 6:00 ang takna kagab-i, Enero 9.
Antes sini ang isa ka bangkay sang 25 anyos nga bangkay sang lalaki ang narecover mga alas 4:00 ang takna sang hapon, pareho nga adlaw.
Ang una nga biktima nga nareport nga napatay amo sang nagluntad ang insidente sang Hwebes sang hapon, Enero 8 matapos ang pagtiphag sang material recovery facility nga nahamtang sa Barangay Binaliw.
Padayon sagihapon nga ginapangita sang mga rescuers ang 34 ka mga tawo nga ginreport nga natabunan.
Kadam-an sa mga biktima ang nagatrabaho sa landfill sites sa lugar.
