Nagsumpa na si Narendra Modi bilang prime minister sang India kahapon para sa iya ikatatlo nga termino.
Si President Droupadi Murmu ang nag-administer sang oath of office kay Modi sa isa ka grand ceremony sa Rashtrapati Bhavan, ang lugar sang Presidente sa New Delhi, nga gintambungan sang ginatos nga mga dignitaries lakip na ang mga pinuno sang pito ka mga regional countries, Bollywood stars kag mga industrialists.
Si Modi, nga nagsugod bilang isa ka publicist sang Hindu nationalist Rashtriya Swayamsevak Sangh (RSS), ang ideological parent sang Bharatiya Janata Party (BJP), ang ikaduha pa lamang ka persona matapos kay independence leader Jawaharlal Nehru nga nagserbi sang ikatatlo nga straight term bilang prime minister.
Ang 73-anyos nga lider ang nakasecure sang iya third term sa Eleksyon nga nagtakop sang Hunyo 1 kaupod ang suporta sang 14 ka mga regional parties sa iya BJP-led National Democratic Alliance (NDA), indi kaangay sa iya nagligad nga duha ka termino kun sa diin nagdaog ang iya partido sang outright majority.
