Nangin emosyonal si Luka Doncic sa game sang team sini nga Los Angeles Lakers batok sa iya former team nga Dallas Mavericks sa score nga 112-97.
Sang Pebrero, naghalin sa Mavericks si Doncic kag nagsulod sa team sang Lakers nga isa sa mga dako nga hitabo sa trading history sang NBA.
Sa pre-game video nga ginpagwa sa arena, nakita ni Doncic ang suporta sang Mavericks fans sa iya.
Apang matapos mangin emosyonal, nagfocus na sa game si Doncic kag ginpakita sa Mavericks fans ang ila gin-uyangan nga talento nga gintrade lang.
Nagscore ini sang 14 points sa first quarter kag nagdugang sang 17 sa second period kun sa diin nakuha sang Lakers ang 60-57 nga halftime lead.
Apang, nagnubo ang rate of scoring ni Doncic sa second half kag ginpadayon ni Lebron James ang scoring tubtob sa fourth quarter para sa victory.
Nabatian naman ang pagsinggit sang mga fans nga kakson na si Nico Harrison bilang general manager sang Mavericks nga gincriticize sang fans sa pag-engineer sa trade ni Doncic sa Lakers sa baylo kay Anthony Davis.
Pahayag ni Doncic, halos indi sini ma-explain ang iya emosyon kag palangga sini ang mga fans apang sa karun kinahanglan na sini mag-move on.
