Ginpahayag sang Board Member sang Negros Occidental nga apisar nga may yara sang Provincial Ordinance 011 nga ginbase sa Presidential Decree 449 nga may yara sang mga contradicting nga national law kag bisan sa diin nga bahin sang Pilipinas ang wala may nagapanakop sang machine betting sa mga bulangan.
Sa interview sang Bombo Radyo Bacolod kay Negros Occidental Board Member Andrew Montelibano, nameeting na sini ang mga llamador nga regulate na lamang ang machine betting kag madamo pa man sang mga bulangan sa probinsya ang wala sang machine betting.
Suno kay Montelibano, ang isa man ka problema sini nga mismo ang mga llamador ang wala man nagapamati.
Suno diri bisan ang mga breeders ang nagareklamo man gani ang solusyon nalang sini nga i-regulate lang ang machine betting nga indi kaangay sang una nga nagapinagustuhanay nalang.
Suno diri ang malain sang una sa machine betting nga santo sa ads sang machine ang P1000 ang magadaog lamang sang P300 gani subong ginregulate na nila nga yara nalang sa 10-6.
Dugang pa ni Montelibano, sang nagligad ginpauntat na nila ang machine betting gani madamo man ang nagreklamo nga breeder.
Bangud sini, nagdesisyon nalamang siya nga i-meet half way samtang wala pa sang directive ang national government nga pauntaton ang machine betting sa mga bulangan bangud ang directive pa lang nga dulaon amo ang online sabong.
