Nagapadayon ang monitoring kag paghatag sang bulig sang personnel sang Provincial Veterinary Office sa mga kasapatan nga apektado sang paglupok sang Bulkan Kanlaon.
Sa interview sang Bombo Radyo Bacolod kay Negros Occidental Provincial Veterinarian Dra. Placida Lemana, padayon ang ila monitoring sa mga kasapatan kag ang mga personnel sang District 4 kag District 5 ang adlaw adlaw man nga yara sa evacuation centers kun sa diin gindala ang mga sapat bangud iban sa mga ini ang nagamasakit.
Ini agud nga may maghatag sang immediate nga bulig sa tion nga nagakinahanglan sang mga kasapatan.
Suno kay Lemana, agud nga mapabaskog ang immune system sang mga sapat ginahatagan sang mga ini sang supplements.
Ginalantaw man sang Provincial Veterinarian nga ang pagnubo sang immune system sang mga sapat ang bangud sa kakulang sang mga ini sang pagkaon.
Wala man sang narecord nga mortality sa mga kasapatan nga yara sa evacuation centers.
