Ginavalidate pa sang Bacolod City Police Station 4 kung matuod kag kun aktibo pa nga asset sang National Bureau of Investigation (NBI) ang negosyante nga ginpatay sa Barangay Estefania sang Huwebes.
Madumduman nga ginluthang-patay sang duha ka wala matumod nga suspetsado si Elson Cepeda, 49 anyos.
Sa interview sang Bombo Radyo Bacolod kay Police Capt. Francis Depasucat, station commander sa Bacolod Police Station 4, sila ang nakarecover ang ID sang biktima nga nagapakita nga ini ang affiliated sa NBI.
Apang ila pa nga tumuron sa ahensya kun ini ang may kamatuoran kag kun aktibo pa sa serbisyo ang negosyante.
Sa pihak nga bahin, sa karun padayun paman nga ginahulat ang resulta sang eksaminasyon sa bangkay sa crime laboratory ang Negros Occidental Police Provincial Office (NOCPPO).
Wala naman sang nakuha nga impormasyon ang kapulisan kun may illegal nga negosyo ang biktima, samtang may-ara man sang permit ang mga natumod sini nga negosyo
