-- ADVERTISEMENT --
BACOLOD CITY — Nakabawi na ang Negros Occidental Little League sa majors division sang Little League Softball World Series sa Estados Unidos.
Alas 3:00 kaina sang kaagahon, gin-atubang sang Negrense softball team ang Softball Femenino de Coamo Little League nagikan sa Coamo, Puerto Rico nga tiglawas sang Latin American region.
Natapos ang hampang pasado alas 5:00 sang aga kag nakatipon sang two points ang Philippine team samtang one point naman ang iya sang Latin American region.
Nahibaluan nga sa tatlo ka sunod-sunod nga hampang sang mga Negrense players, napierde ang team kag kaina sang kaagahon, nakatigayon na sila nga makabangon.
Ang World Series ang ginapatigayon sa Portland, Oregon, USA kag magatakop sa Agosto 17, oras sa Pilipinas.
-- ADVERTISEMENT --
