Ginreport sang Philippine Institute of Volcanology and Seismology (PHIVOLCS) ang masunod nga aktibidad sang Bulkan Kanlaon sa nagligad nga 24 oras kun sa diin narecord ang 19 ka volcanic earthquakes; nadetect ang 5,150 tons per day sang sulfur dioxide (SO₂) emissions. Ini ang indikasyon sang nagapadayon nga volcanic unrest. Padayon nga gina-abisuhan ang publiko nga likawan ang 4-kilometer Permanent Danger Zone...

Ginbawian sang kabuhi ang pilot sang Turkish Airlines samtang yara sa byahe nga nagresulta sa emergency landing sa New York. Suno kay airline spokesman Yahya Ustunm nagtake off ang eroplano sa western US coastal city sang Seattle sang Martes sang gab-i. Suno diri, ang pilot sang ila Airbus 350 flight TK204 nga gikan sa Seattle padulong sa Istanbul ang nagcollapsed samtang...

Ginhatagan sang Carson City sang California ang Filipino-American rapper nga si Apl.de.Ap sang ceremonial key sa ciudad sa pag-kick off sang Filipino American History Month. Nagapati ang city council nga ang multi-awarded musician kag philanthropist kag ang grupo sini nga Black Eyed Peas ang nangin model sang komunidad ilabi na sa mga Pilipino nga residente sa lugar. Gindayaw ni Carson Mayor...

Naghatag sang pahanumdom ang head coach sang Rain or Shine basketball team sa mga botante kasunod sa nagasaka nga numero sang mga atleta nga nagasulod sa pulitika. Suno kay coach Yeng Guiao nga nagserbe bilang bise gobernador sang Pampanga sa sulod sang siyam ka tuig kag kongresista sa isa ka termino, nga dapat maghalong ang mga botante sa pagpili sang...

Lauman ang liwat nga pagsaka sang presyo sang produktong petrolyo santo sa tatlo ka adlaw sang oil trading sa world market. Bangod sa nagapadayon nga konflikto sa Middle East, nagsaka sa masobra P2.00 kada litro ang presyo sang imported fuels. Santo sa oil trading, lauman ang pagsaka sang presyo sang Diesel sa P2.37 kada litro, Gasolina sa P2.21 kada litro kag...

Ginpahayag ni Republican former President Donald Trump nga indi ini magdebate kay Democratic Vice President Kamala Harris, pila ka oras matapos gin-imbitar sang Fox News ang duha ka mga presidential contenders nga magpartisipar sa isa ka posible ikaduha nga debate sa Oktubre 24 tubtob Oktubre 27. Si Trump kag Harris ang nagdebate sa labing una nga kahigayunan sang Setyembre 10. Una...

Naglandfall na bilang Category 3 si Hurricane Milton alas-8:30 sang gab-i sa Siesta Key, Florida, isa ka barrier island malapit sa Sarasota. Ginlift ang pila ka mga warnings kag alerts ukon gindowngrade kadungan sang pagbiya sang Hurricane Milton sa baybayon sang aga suno sa National Hurricane Center. Apat ang kumpirmado nga nagkalamatay sa St. Lucie County sa Atlantic coast sang Florida...

Ginhangkat ni President Ferdinand Marcos Jr. si Chinese Premier Li Qiang natuhoy sa mga clashes sa West Philippine Sea sa regional summit talks sang Huwebes samtang nagasaka ang kahangawa nga posible nga mag-erupt ang konflikto sa ginaagawan nga baybayon. Si Li ang nakigkita sa mga pinuno sang 10-member Association of Southeast Asian Nations (ASEAN) sa isa ka pagtililipon sa Laos...

Matapos ang 15 ka mga hearings, natalana sang Senate Committee on Women, Children, Family Relations and Gender Equality nga tapuson ang ila imbestigasyon natuhoy sa illegal Philippine Offshore Gaming Operators kag kay former Mayor Alice Guo. Suno kay Committee Chair Senator Risa Hontiveros, sila ang magapatigayon sang ulihi nga hearing sa masunod nga semana agud mawrap up ini. Luyag nila nga...

Ginpahayag sang Department of Justice nga ang plea deal nga ginpasulod ni Kingdom of Jesus Christ member Marissa Duenas sa Estados Unidos ang pagagamiton sa trafficking case sang televangelist nga si Apollo Quiboloy sa Pilipinas. Santo sa court records sa US, gin-ako ni Duenas nga humalin 2015 tubtob 2020, may yara sang kasugtanan sa tunga sini kag sang iban nga...