Ginpirmahan na subong nga hapon ni President Ferdinand “Bong bong” Marcos Jr ang Senate Bill 2507 ukon Negros Island Region Act agud nga mangin layi sa ginpatigayon nga ceremonial ceremony sa Malacañang.
Bangud nangin layi na ang hagna, ang Pilipinas ang may kabug-usan na nga 18 ka rehiyon.
Ang layi ang may tinutuyo nga maconsolidate kag magcoordinate ang efforts, services, kag resources nga makabenipisyo sa mga residente.
Sa speech sang presidente, ginpahayag sini ang bag-o nga establisyar nga Negros Island Region ang indi lang magaisa sang ciudad sang Bacolod, probinsya sang Negros Occidental, Negros Oriental kag Siquijor bangud ang nasambit nga union ang long-overdue na kag mapinuslanon ini ilabi na sa mga residente.
Ini bangud ang pumuluyo ang yara sa isa ka rehiyon apang governed sang seperado nga administrative region.
Suno sa presidente, dinekada na nga ang mga pumuluyo ang nagagasto agud magbiyahe patabok sa pihak nga isla agud nga makakuha lamang sang government services.
Ginpasalamatan sang presidente ang mga mamalidha nga nagdihon sang hagna kag ginpirmahan sini agud mangin layi bangud mahatag na sang mas mahapos kag madasig ang nagakaigo nga serbisyo sang gobyerno para sa mga pumuluyo sang nasambit nga isla.
Nagalaom man ini nga ang pagestablisyar sang isla ang mangin mabinungahon kag mangin inuswagon kasubong man ang mga pumuluyo nga mag-isa para sa pagsanyog sang rehiyon.
Ginpahayag man sini nga ang Negros Island ang sentro sang kauswagon sa Visayas Region.
Nagtambong sa ceremonial signing si Negros Occidental Governor Eugenio Jose “Bong” Lacson, Bacolod City Mayor Alfredo “Albee” Benitez, Victorias City Mayor Javi Benitez, kag iban pa nga mga opisyal kalakip na ang gikan sa probinsya sang Negros Oriental kag Siquijor.
