Ginkumpirmar ni Abang Lingkod Partylist Representative Joseph Stephen Paduano nga nagpirma sa impeachment complaint batok kay Vice President Sara Duterte si Negros Occidental 5th District Representative Dino Yulo.
Sa interview sang Bombo Radyo Bacolod kay Paduano, apisar nga 215 lamang ang numero sang pirma nga ginpasaka sa Senado, madamo pa sang mga naglagas agud magpirma matapos sang adjournment, kag ang numero ang nagapadayun pa sa pagsaka.
Madumduman nga sa listahan nga una nga naggwa, si Yulo lamang ang nagaisahanon nga kongresista nga wala sa nagpirma.
Suno diri, nagkitaay sila mismo ni Yulo matapos sang session.
Paathag sini nga one-third vote lamang ang kinahanglan kag mahimo na nga mapasaka sa Senado ang articles of impeachment gani sobra-sobra na sa one-third ang 215 signatures.
Apang importante lamang nga sa official record sang House of Representative kompleto ang numero sang mga nagpirma.
