Liwat naman nga nagpanawagan ang gobernador sa Negros Occidental sa mga rebelde nga New People’s Army nga magsungka kag magbalik na sa sabak sang gobyerno.
Ini kasunod sa nagluntad nga engkwentro sang engkwentro nga nagluntad sa banwa sang Cauayan sa tunga sang NPA kag militar nga nagresulta sa pagkamatay sang lima ka mga rebelde.
Sa pahayag ni Governor Eugenio Jose “Bong” Lacson, dapat ang nabilin nga mga miyembro sang NPA ang magabalik na sa sabak sang gobyerno.
Suno diri ang gobyerno ang may ginahatag nga bulig sa ila.
Una naman nga ginpahayag sang gobernador sadto nga luwas sa bulig sang National Government, yara man ang Provincial Government nga handa maghatag sang interventions sa mga luyag na magbag-o sang pagpangabuhi.
Sila ang nagahatag sang financial, livelihood kag education assistance.
Dugang pa sang gobernador nga magapadayon lamang ang kaswalidad sa bahin sang rebelde nga grupo ko kun magapabilin sila sa makawala nga grupo.
