Nagpaggwa na si Negros Occidental Governor Eugenio Jose “Bong” Lacson sang Executive Order No. 26-12 sa pagtukod sang Biosecurity Task Force for Agriculture batok sa Red-Striped Soft Scale Insect (RSSI) kag iban pa nga biological threats nga nagahalit sa sugar industry sa probinsya.
Ini matapos nagdangat na sa 61,242 hectares ukon 32.18 porsyento ang kabug-usan para sa Crop Year 2025–2026 ang nahalitan sang RSSI, samtang may mga kaso naman sang RSSI sa 277 ka barangay sa bug-os nga Negros Occidental.
Ginpahayag sang probinysa nga ini nga tikang ang koordinasyon sa tunga sang probinsya kag mga ahensya sang gobyerno, lakip na ang Sugar Regulatory Administration (SRA), Department of Agriculture (DA), kag iban pa ahensya agud mapadasig pagkontrol sa nagaduging nga halit sang RSSI.
