Nakuha sang Iloilo Basketball Team ang championship sa Basketball Men’s Secondary category batok sa Team sang Negros Occidental.
Ang hampang sa tunga sang Hua Siong College of Iloilo kag Colegio de Santa Ana de Victorias ang nagtakop sa score nga 104-87.
Sa interview sang Bombo Radyo Bacolod kay Coach Leo Ceralbo, principal sa Handumanan Elementary School 2, umpisa pa lamang underdog na ang team sang Negros Occidental bangod dalagko ang mga players sang Iloilo.
Dugang pa sini nga may duha ka players sa Iloilo nga gikan man sa Bacolod City, bangod sa masami ginascout sang mga ini ang mga mabaskog nga players.
Suno diri, bisan sa elementary division, madamo man sang mga players ang Iloilo nga gikan sa Bacolod.
Paathag ni Ceralbo nga bangod may panibag-o nga rules kun sa diin wala na sang selection, ang Basketball Team nagid lamang sang Hua Siong College of Iloilo amo ang magacompete sa Palarong Pambansa para sa Western Visayas.
Madamo gid sang naglantaw kaina sa hampang kun sa diin mismo si Negros Occidental Governor Eugenio Jose “Bong” Lacson ang nagtambong.
