Naga-umpisa na sa pagpreparar ang probinsya sang Negros Occidental para sa palaabuton nga Western Visayas Regional Athletic Association (WVRAA) Meet 2024 nga patigayunon sa probinsya.
Sa interview sang Bombo Radyo kay Romeo Sison, Negros Occidental Provincial Sports Coordinator, nangin successful ang ginpatigayon nga Provincial Meet 2024 nga ginapatigayon sa ciudad sang Bacolod nga nagtakop kahapon.
Suno diri, may ginpatigayon lamang nga adjustment sa schedule sang games bangod sa tuman ka init nga nakaapekto sa performance sang athletes.
Wala naman sang dalagko nga mga insidente nga nagluntad.
Para naman sa Western Visayas Regional Athletic Association (WVRAA) Meet 2024, nakameeting na ini sa Negros Occidental Police Provincial Office (NOCPPO), Bacolod City Police Office (BCPO), Bacolod Traffic Authority Office (BTAO), Disaster Risk Reduction & Management Office (DRRMO) kag Bureau of Fire Protection (BFP).
Samtang, magapatigayon man sang meeting kaupod ang tournament directors, sports officers kag mga offiicials agud maplastar ang preparasyon sa WVRAA.
Dugang pa sini, ginhatagan man sang pagtamod ang mga billeting schools nga tiniran sang delagates nga ginalauman posible magadangat sa masobra sa 3,000.
Ang Western Visayas Regional Athletic Association (WVRAA) Meet 2024 maga-umpisa sa Mayo 2, kag magatakop sa Mayo 7.
