Ginpahayag sang pinuno sang Provincial Disaster Management Program Division sa Negros Occidental nga pagabutongon sa pagsulod sang Bagyo
Malakas sa pagsulod sini sa Philippine Area of Responsibility (PAR) si bagyo Agaton.
Suno kay Dr Zeaphard Gerhart Caelian, nga sa karun bagyo Agaton ang mahinay ang paghulag bangod ginahulat sini sa pagsulod sa PAR si Severe Tropical Storm Malakas, nga pagabuslan naman sang pangalan nga “Basyang”.
Paathag sini nga sa pagsulod ni Basyang, magasunod man sa track sini si Agaton.
Ginpahayag man ni Caelian nga sarang nga magtuga sang fujiwara effect sa tion nga magdikit na sang 1,500 km ang kalayuon sang duha ka bagyo, ukon i-absorb sang mas makusong nga si Basyang si Tropical Storm Agaton.
Ginpaathag man ni Caelian nga ang hitabo kun sa diin may-ara sang pag-ulan kadungan sang Semana Santa ang nagakatabo kada 33 ka tuig santo sa PAGASA.
Samtang ginpahayag man sini nga indi na magtabok sa Pilipinas ang bagyo bangod ini ang magasaka paibabaw padulong sa Taiwan ukon Japan.
Samtang gin-athag man sini nga ang pag-ulan sa Negros Occidental ang ulupod nga epekto sang bagyo Agaton, bagyo Malakas kag sang Low Pressure Area nga nahuman malapit sa Palawan.
Sa pagwa sa PAR, si bagyo Agaton ang pagahatagan naman sang International name nga “Megi”.
Pasalig naman ni Caelian nga manubo ang pagtupa sang ulan nga dala sang mga bagyo bangod santo sa ila nga rain gauges monitoring, yara lang ini sa 0.5 tutbtob 3 milimeters.
Padayun man nga ginabantayan sang probinsya ang mga early warning devices agud nga madasig nga mapalab-ot sa mga pumuluyo ang dalagan sang panahon. Samtang, nag-issue si Negros Occidental Governor Eugenio Jose “Bong” Lacson sang advisory nga nagapaidalum sa bilog nga probinsya sa Red Alert Status bangod sa Bagyo Agaton kahapon.
Suno kay Negros Occidental Provincial Disaster Management Program Division (PDMPD) Head Dr. Zeaphard Gerhart Caelian nga tanan nga Local Disaster Riskl Reduction Management Office (LDRRMO) ang ginapadalum sa red alert kun sa diin sila ang ginamanduan nga magpadala sang early warning advisories, maghuman sang preparedness plan kag pagtinlo sang mga waterways.
Kasubong man nga gina-activate ang Emergency Operation Center (EOC) ang Incident Management Team.
On standby naman sa red alert status ang mga response cluster kaangay sang Social Welfare pananglitanng kinahanglanon ang preemptive evacuatio sa mga flood prone areas.
Ginamonitor man sang probinsya ang mga major river basin kaangay sang Malugo River, Sicaba River, Bago River, Ilog-Hilabangan River sa mahimo pagtaas sang tubig.
Ginapanugyan naman sa mga local government unit (LGU) ang pagpreparar sang Evacuation Centers.
Pahanumdom naman sini nga dapat mapatuman gihapon ang COVID-19 Protocols sa tion sang evacuation kag indi pahanugutan nga ang pag-evacuate ang mangin superspreader event.
