Handa na ang Negros Occidental Police Provincial Office (NOPPO) para sa pagbukas sang klase bwas nga adlaw sang Lunes, Hunyo 3.
Suno kay NOPPO director Police Col. Romeo Baleros, gin-activate na sang NOPPO ang Oplan Ligtas Balik-Eskwela kun sa diin nakaplastar ang execution sang husto nga security preparation agud nga masiguro ang safety sang mga estudyante, ginikanan kag mga manunudlo batok sa mga criminal elements nga magahingalit sa kahigayunan.
Kadungan sang pagbukas sang klase suno kay Baleros, magabutang ang kapulisan sang police assistance desks sa entrance sang mga eskwelahan, subong man sa mga areas of convergence ukon lugar nga madamo sang tawo agud mapunggan ang criminal activities.
Nagpanugyan naman ang NOPPO director sa mga ginikanan ukon guardians nga mangin vigilant kag bantayan sang husto ang ila mga estudyante, ilabi na ang mga kabataan, agud indi mabiktima sang mga lawless elements kaangay sang drug personalities nga nagagamit sa mga estudyante bilang courier sang iligal nga druga.
