Almost ready na ang preparasyon para sa Panaad sa Negros 2025.
Sa interview sang Bombo Radyo kay Cha Cha Magallanes, executive director sang Panaad sa Negros 2025, patigayunon sa Marso 24 tubtob sa 30 ang selebrasyon sang festival.
Suno diri manubo lang ang ila tion para sa preparasyon apang nagpasalig ini nga ihatag ang best para sa masadya nga kahiwatan.
Nakasentro naman sa karun sa culture kag arts ang selebrasyon.
Madamo sang activities nga ginpreparar kaangay sang mga outdoor theathre exhibits, interschool stage radio drama, battle of the bands, basketball kag volleyball cup, festival dance competition, cosplay, pet walk, lin-ay sang Panaad sa Negros kag iban pa.
Suno kay Magallanes, ginalauman ang pagdagsa sang mga tawo para maglagaw samtang gina-ingganyo man sini ang mga kabataan nga mag-partisipar man.
