Nagapabilin nga nakapaidalom sa blue alert status ang Negros Occidental Provincial Disaster Risk Reduction and Management Office tubtob sa Lunes, Abril 1 agud magmonitor sang sitwasyon sang mga pumuluyo nga nagabiyahe kag nagapadulong sa mga simbahan subong nga semana santa.
Sa interview sang Bombo Radyo Bacolod kay Irene Bel Ploteña, pinuno sang Negros Occidental Provincial Disaster Risk Reduction Management Office, humalin sang Marso 26, Miyerkules Santo, ginpaidalom na ang mga Disaster Risk Reduction Management Office sa mga kabanwahan kag ciudad sa probinsya sang Negros Occidental agud nga magmonitor sa mga pumuluyo nga nakigbahin sa mga aktibidades sang simbahan sa pagobserbar sang Semana Santa.
Nagcoordinate naman ang PDRRMO sa iban nga mga ahensya sang gobyerno kaangay sang Coast Guard nga mangin alerto sa pagbantay sa mga pantalan kag sa mga nagabiyahe subong nga Semana Santa.
Samtang, ang Mt Kanlaon ang nagapabilin sa level 1 gani ginadumilian ang pagsulod sa 4 kilometers permanent danger zone.
