Ginpasalig sang Assistant Vice President for Operations sang Negros Electric and Power Corporation (NEPC) nga sila ang may nakastandby na line crew nga nakahanda nga magresponder inkaso may magluntad nga unscheduled power interruptions sa tion sang selebrasyon sang Masskara Festival 2024.
Sa interview sang Bombo Radyo Bacolod kay Engr. Leomel Tambanillo, ang mga standby personnel sang Negros Power nga nakadeploy sa mga festival sites ang separado pa sa mga ginadeploy para sa regular operations.
Ini agud mas madasig nga makaresonder kag gilayon ma-address ang mga problema sa kuryente nga mahimo magluntad.
Antes paman, ginseguro na sang Negros Power nga makasupply sang nagakaigo nga capacity sang kuryente para sa mga nakaschedule nga activities sa nanarisari nga venue partikular na sa highlight sa Oktubre 27.
Samtang antes paman ang Grand Salubong kagab-i, ang Negros Power ang una na nga nagpatigayon sang line clearing kag hotspot corrections agud malikawan ang unscheduled power interruption sa tion sang kapiestahan
