Nagsaka ang net satisfaction rating ni Vice President Sara Duterte sa survey nga ginpatigayon sang Social Weather Stations (SWS) sang Nobyembre 2025.
Suno sa Fourth Quarter 2025 Social Weather Report, nakabaton si Duterte sang +28 nga net satisfaction rating, nga mas mataas sang anum ka puntos kumpara sa +22 nga iya nakuha sang Setyembre 2025.
Ginpatigayon ang survey humalin Nobyembre 24 tubtob 30, 2025 paagi sa face-to-face interviews sa 1,200 ka mga adult nga naga-edad 18 anyos pasaka sa nagkalainlain nga bahin sang pungsod.
May tig-300 ka respondente halin sa Metro Manila, iban pa nga bahin sa Luzon, Visayas, kag Mindanao.
Ang margin of error amo ang ±3 (plus/minus 3) percent para sa national nga resulta, kag ±6 percent para sa tagsa ka rehiyon.
Ginpaathag man sang SWS nga ang survey ang wala ginpa-komisyon sang bisan sin-o nga indibidwal ukon institusyon.
