-- ADVERTISEMENT --
Ginpangunahan ni Mikal Bridges sang New York knicks nga may 25 puntos kag ni Jalen Brunson nga may 24 puntos ang kadalag-an kahapon, Marso 2 batok sa San Antonio Spurs nga may 11-game NBA winning streak.
Nagdugang man sang 12 puntos kag 14 rebounds para sa Knicks si Karl-Anthony Towns.
Nahibaluan nga si Victor Wembanyama kag ang Spurs ang wala pa napierde humalin sang Pebrero.
Madasig ang nangin pagsugod sang Spurs kag naka-abanse pa sang tubtob 12 puntos sa una nga quarter apang nalapawan sang Knicks sang isa ka puntos kag wala na nakabawi pa ang Spurs nga nagdul-ong sa ila kapierdehan.
