Dako nga okasyon ang Christmas sa New Zealand, ang pinakauna nga pungsod nga magsug-alaw sang paskwa.
Sa interview sang Bombo Radyo Bacolod kay Jovy Amodiente Sargeant, Bombo International News Correspondent direkta sa New Zealand, malinong ang pagsug-alaw sang Christmas Day.
Suno kay Sargeant, holiday ang December 25 sa New Zealand kasubong man ang December 26, nga para sa Unboxing.
Suno diri, ang mga locals sa New Zealand ang nagaselebrar gid sang paskwa.
Natuon sa summer ang pagselebrar sang paskwa gani tion naman ini agud nga bisitahan ang mga ginikanan kag mga himata.
Nagaululupod ang mga ini sa pagkaon sa tion sang December 25.
Nagahatagay man sang mga regalo sa kada isa.
Wala man sang dako nga religion sa New Zealand bangud kalabanan ang mga Atheist kun sa diin wala ang mga ini nagapati nga may tagtuga.
