Ginpahayag sang National Grid Corporation of the Philippines (NGCP) nga indi ini makapasalig nga wala sang brownouts nga magluntad sa summer season.
Suno kay NGCP Spokesperson Cynthia Alabanza, magakoordinar pa ang system operator sa gobyerno kag stakeholders kaangay sang generation kag distribution utilities antes magpagwa sang summer forecast.
Mahibaluan nga nagdeklarar ang Department of Energy sang Enero nga wala sang yellow kag red alert santo sa ila projections sa masunod nga mga binulan.
Suno kay Albanza, indi sila kapasalig nga wala sang yellow kag red alerts bangod magadepende ang supply sa generating power plants nga apektado sang mainit nga panahon.
Santo sa NGCP data, sa projected 5,600 megawatts nga additional capacity, kapin sa 1,000 MW ang naproduce sa Luzon.
Samtang sa Visayas naman, ang committed additional capacity yara sa 951 MW, kag sa Mindanao nga 231 MW.
Pahayag sang NGCP, ginalauman nga may supesyente nga supply basta wala sang unplanned plant outage nga magluntad kag may bag-o nga power plants nga maplastar santo sa schedule.
