Makigkita ang NLEX sa Meralco kun magpadayon na ang PBA Governors’ Cup sa Biyernes, masobra isa ka bulan matapos ginsuspende ang live games bangud sa pagsaka sang kaso sang COVID-19.
Suno kay NLEX coach Yeng Guiao, daw kaangay nga opening day liwat kag mataas gid ang ila excitement kag anticipation.
Luyag nga makit-an ni Guiao ang iya team nga magrebound matapos ang pagkalutos sa Phoenix Super LPG sang Paskwa sang tinalikdan nga tuig.
Suno diri, nagalook forward sila sa mas mabudlay nga mga pagpanghangkat kag magasugod ini sa Meralco.
Suno sa iya, ang ila import ang mangin mabudlay nga match-up subong man sa rotation sang ila dalagko nga mga guards.
Nagalaom man si Meralco coach Norman Black sang mas mabudlay nga game batok sa NLEX.
Ginpakigbahin man ni Black nga posible nga magahampang sila nga wala ang ila bag-o recruit nga si Chris Banchero bangud sa health protocols kag wala pa ini nakapractice kaupod ang grupo.
