Ginalantaw sang human rights lawyer sa ciudad sang Bacolod nga may yara sang miyembro sang majority sa Senado nga magasaylo sa minority bangud sa nagakatabo sa karun.
Sa interview sang Bombo Radyo Bacolod kay Atty Cesar Beloria, indi maayo ang ginahimo ni Senate President Alan Peter Cayetano nga pagboycott sa Senado.
Suno kay Beloria, dapat nagapahibalo ini sa mga kaupdanan niya sa Senado nga indi ini makatambong sa plenary sessions.
Suno diri, dapat bilang Senate President siya ang magpanguna sa paghimo sang ila katungdanan bilang senador kag panumdomon ang pagtrabaho para sa mga Pilipino.
Ginpahayag man sini nga para sa iya wala man ang majority ginatarget sang minority bangud antes pa man ini nagpungko bilang Senate President sanday Senator Jinggoy, Joel Villanueva kag Chiz Escudero ang may mga kaso na nga daan.
Suno kay Beloria, ang realidad ngaa indi magtambong sa plenary sessions si Senate President Alan Peter Cayetano bangud mahimo nga ini ang islan bangud wala na ini sang number kag luyag sini nga mapabilin sa pwesto.
Sa claim naman ni Cayetano nga nagapasilabot ang Malacanang sa Senado ang natabo naman sadto sa tion ni Former President Rodrigo Duterte nga isa man siya sa mga nakabenepisyo.
Ginalantaw ni Beloria nga sa karun nga session may masaylo sa minority kag isa diri sa iya nakita si Senator Loren Legarda.
Suno pa diri, kun indi magsaylo sa minority, magadeklarar lamang ang pila ka senador sang independence.
Ini mahimo makabinagbinag ang pila ka senador bangud indi na maayo ang nagakatabo bangud makahuluya na kag ginasumsuman na sang International Community ang nagakatabo sa Senado sang Pilipinas.
