North Korea, ginakondenar ang gintawag “enroachment of sovereignty” sang US sa Venezuela

Hugot nga ginakondenar sang North Korea ang Estados Unidos bangud sa gintawag sang mga ini nga “the most serious form of encroachment of sovereignty” sa Venezuela.

Kadungan sini nagpaandam man ang spokesperson sang foreign ministry sang North Korea nga ang ginhimo nga tikang sang Washington ang nagpalala lamang sang regional instability kag undermined international order.

Sa statement, ginpahayag sang foreign ministry spokesperson nga ginamonitor sang mga ini ang sitwasyon sa Venezuela.

Dugang pa sa statement nga ang insidente ang isa naman ka ehemplo nga maathag nga nagapahayag sang bastos kag brutal nature sang Estados Unidos nga madugay na nga nasaksihan sang international community.

Madumduman nga gin-anunsyar ni US President Donald Trump nga nadakop na si Venezuelan President Nicolas Maduro, nga gin-label sang Amerika bilang terorista, upod ang asawa sini nga si First Lady Cilia Flores.

Gin-kumpirmar sang presidente sang Estados Unidos nga nangin madinalag-on ang lapnagon nga strike sang Amerika batok sa Venezuela nga nagresulta sa pagkadakop kay President Maduro upod ang asawa sini.