Nagdemand ang utod ni North Korean leader Kim Jong Un sang detalyado nga pagpa-athag halin sa Seoul sa akusasyon nga nagpalupad sang drone ang South Korea sa ila nga teritoryo.
Gina-alegar sang North Korea nga ang drone naglapae sa South Korean border kag naglupad sa Kaesong City sa North Korea.
Kasunod sini, nagrelease ang North sang picture sang drone nga naguba na.
Suno kay Kim Yo Jong, dapat maghatag sang detailed explanation ang South Korea angot sa isyu.
Samtang, ginpanginwala naman sang Seoul ang alegasyon, nga suno sa defence ministry ang drone indi kaangay sa model nga gina-operate sang ila militar.
Suno naman kay President Lee Jae Myung, may yara sang imbestigasyon nga patigayonon kag kun sibilyan man ang nag-operate sang drone, ini makabig nga seryuso nga krimen bilang pagpamahog sa kalinong sa Korean Peninsula kag national security.
