Dakop ang no. 2 sa target list sang Philippine Drug Enforcement Agency (PDEA) sa bilog nga Western Visayas sa buybust operation nga ginpatigayon sa Barangay Zone 10, Talisay City kahapon sang hapon.
Ginkilala ang suspetsado kay Raphy Duadores, residente sang Barotac Viejo, Iloilo apang tumandok sang Barangay 2, Talisay City.
Sa interview sang Bombo Radyo Bacolod sa team leader sang PDEA-Bacolod nga si Agent Bamboo, ginpahayag sini nga malapit lima ka bulan ang ila nga pagpangita kay Duadores.
Masobra lima ka tuig na suno sa iya sang nadakpan man ang suspetsado sa amo nga kaso.
Suno kay Agent Bamboo, may yara sang komosyon nga natabo sa pagkadakop kay Duadores bangud nga indi ini magpaposas.
Gina-alegar man nga miyembro ini sang Cuadra Drug Group ukon sub group sang Cuadra.
Natigayon nga makuha sa iya possession kag kontrol ang tatlo tanan ka mga heat-sealed transparent plastic sachet sang suspected shabu nga ginabanta nagabug-at sang 15 gramos kag nagabalor sang P102 mil.
Priso na karon ang suspetsado kag natalana nga pasakaan sang kaso sa pagbayolar sa RA 9165 ukon Comprehensive Dangerous Drugs Act of 2002.
