Nagsaka ang numero sang mga nagakuha sang special permit sa Land Transportation Franchising and Regulatory Board (LTFRB) sa karun nga Christmas season.
Sa interview sang Bombo Radyo Bacolod kay Atty Salvador Altura, legal officer sang LTFRB 6, ang special permit ang para sa mga magabyahe nga gwa na sa ila natalana nga ruta.
Suno diri, ang permit ang maggamit pananglitan man nga may magsaway sa ila nga pagbyahe.
Dapat lamang magdala sang prangkisa; rehistro; kontrata sang drayber, operator kag kooperatiba; kag kun isa ka representative dapat nga may yara sang authorization letter.
Dapat man nga maghatag sang allowance nga adlaw bangod indi gilayon nga mahatag ang special permit.
Ang special permit ang magamit lamang sa sulod sang anum ka adlaw.
Pahayag ni Altura, adlaw-adlaw man sila nagahatag sang permit bisan pa nga wala sang dalagko nga okasyon.
