Ginalauman nga matapos sa bulan sang Marso ang pagpatukod sang tent city nga amo ang temporaryo nga saylohan sang mga evacuees sang paglupok sang bulkan Kanlaon.
Sa interview sang Bombo Radyo kay Office of Civil Defense- Negros Island Region Director Donato Sermeno, kahapon nagbululigay ang Reserve Officers’ Training Corps (ROTC) units, Phillippine Army, kag workforce sang Himamay City sa pagpatukod sang mga tents.
Nagprovide ang OCD sang fuel para sa mga equipments nga gingamit samtang naghatag naman sang kalan-on ang ciudad sang Himamaylan para sa mga nagtrabaho didto.
Suno diri, as of kahapon, nagdangat na sa 109 ka tents ang na-assemble kag ginalauman nga matapos sa Marso ang pagpatindog sang kapin sa 500 ka tents.
Suno kay Sermeno, ginpahamtangan sang miyembro sang Phillippine army kag Philippine National Police ang area agud masecure ang parameter.
Samtang, nag-inventory man sila sang housing projects sa mga Local Government Units nga bakante para masaylohan sang mga evacuees.
Sa pihak nga bahin, ginpa-athag man sini nga ang orange glow nga nakit-an sa crater sang bulkan, amo ang mainit nga gas ukon hangin nga yara sa babaw nga makit-an lang gamit ang special lens.
Pahayag ni Sermeno, indi dapat magka-alarma ang mga tawo apang importante man sa gihapon nga nagapreparar ang tanan.
