Padayon sa paghatag sang bulig sa mga nagakinahanglan ang Office of the Vice President sa pihak sang gamay nga budget kag mga kontrobersiya nga ginapangatubang sang bise presidente.
Sa interview sang Bombo Radyo Bacolod kay Dr. Chris Sorongon, Satellite Manager sang Office of the Vice President-Western Visayas, nagapadayon ang opisina ni Vice President Sara Duterte sa pagpanagtag sang bulig kun sa diin sa ciudad sang Bacolod nga may yara sang siyam ka Barangay ukon 716 ka pamilya nga nabuligan ilabi na ang mga nabahaan.
Suno kay Sorongon, bangud sa namonitor nga pagbaha sang Biyernes gilayon nga gin-activate ang ila nga Disaster Operations Center paagi sa Panay-Negros Island Region Office.
Padayon man sila sa paghatag sang referrals kaangay sang burial assistance agud nga mabuligan ang nagapangayo sang bulig.
Ang opisina sang bise presidente ang padayon nga nagahatag sang bulig sa pihak sang budget cut kag kontrobersiya.
Padayon man ang ila nga pagpatigayon sang mga tree planting activities kasubong man ang pagpanghatag sang wheel chairs sa mga nagakinahanglan.
Kahapon, nakabaton sang relief box ang mga residente sang Purok Carvic, Brgy Mandalagan, Bacolod City, Negros Occidental halin sa Office of the Vice President.
