Magapauli pa kuntani sa Paskwa agud makaupod ang iya pamilya ang 40-anyos nga overseas Filipino worker nga napatay sa sunog sa isa ka high-rise residential complex sa Hong Kong.
Si Maryan Pascual Esteban ang natalana kuntani nga magpauli sa Pilipinas sa Disyembre 16, nga kaadlawan man sang iya amay.
Nagpasalig ang Department of Migrant Workers (DMW) kag Overseas Workers Welfare Administration (OWWA) nga magapalab-ot ini sang financial assistance sa pamilya ni Pascual kag gilayon nga marepatriate ang iya bangkay.
Personal naman nga ginbisita ni DMW Secretary Hans Leo Cacdac kag OWWA administrator Patricia Yvonne Caunan ang napulo ka tuig nga bata nga lalaki ni Pascual sa Cainta, Rizal.
Nagpalab-ot na sang relief goods ang Philippine Consulate General sa Hong Kong sa mga apektado nga Filipino magluwas sa financial assistance kag nagabulig man sa mga ini nga mareconstruct ang ila mga dokumento nga naulamid sa sunog.
