Lauman nga may yara sang pagsaka sa presyo sang produktong petrolyo sa masunod nga semana suno sa Department of Energy (DOE).
Ini kasunod sa ginpatuman nga big-time nga rollback subong nga semana.
Lauman nga magasaka sa P1.10 tubtob P1.40 ang presyo sang kada litro sang Diesel kag P1.30 tubtob P1.60 naman sa Gasolina.
Apektado sa gihapon sang nagapadayon nga tension sa trade industry ang presyo sang produktong petrolyo.
Kag dugang pa nga ginapressure sa karun sang Estados Unidos ang Iran sa ila nuclear program kag pag-impose sang US sang bag-o nga sanction sa oil exportation sang Iran.
Samtang, ginahulat pa ang pag-anunsyar sang mga oil firms sang opisyal nga price adjustment para sa masunod nga semana.
Masami nga gina-anunsyar sang oil firms ang opisyal nga price adjustment kada Lunes nga ginapa-implementar pagkasunod nga adlaw.
Epektibo sang Abril 15, ang pagnubo sang presyo sang Gasolina sa P3.60 kada litro, Diesel sa P2.90 kag Kerosene sa P3.30.
