Magapadayon sa pagperform ang nabilin nga miyembro sang OPM Hitmakers nga sanday Nonoy Zuñiga, Rey Valera kag Marco Sison kasunod sa pagtaliwan sang OPM legend nga si Hajji Alejandro.
Suno kay Zuñiga, nakibot kag nasuboan ini sa kamatayon ni Alejandro apang suno diri ‘the show must go on’.
Suno pa diri, kaangay nga indi na nila luyag kuntani nga magperform pa apang bilang entertainers, sila ang magapadayon.
Nagapati man si Zuñiga nga mabatyagan sa gihapon nga kumpleto ang OPM Hitmakers bangod sa spirit kag energy ni Alejandro nga naga-inspire sa ila para magperform pa gid sang maayo.
Madumduman nga gin-anunsyar sang pamilya ni Alejandro ang iya pagtaliwan sang Abril 22 sa edad nga 70 anyos sa pagpakigbato sa colon cancer.
Nag-umpisa si Alejandro sa iya music career sang 1970’s.
Siya ang nangin miyembro sang Circus Band kag nagdesisyon nga magpursue sang solo career.
Kilala man ini sa iya signature song nga “Kay Ganda ng Ating Musika,” nga nangin anthem para sa Filipino musicians.
Siya man ang yara sa likod sang mga hit songs nga “Nakapagtataka,” “Tag-araw, Tag-Ulan,” “May Minamahal,” “Panakip Butas” kag iban pa.
