Ginapakamaayo sang chairperson sa Committee on Energy nga napasar unanimously sa Sangguniang Panlungsod ang gindihon sini nga ordinansa sa temporaryo nga pagsuspender sang balayran sang mga pumuluyo nga wala man sang mabatun nga tubig gikan sa Bacolod City Water District kag Prime Water.
Sa interview sang Bombo Radyo Bacolod kay Councilor Claudio Jesus “Kalaw” Puentevella, wala sang objection sa ila session sang Huwebes para sa suspension sang balayran sang mga nagakonsumo lamang sang 5 cubic centimeters ukon manubo pa nga supply sang tubig.
Nahibaluan nga ang apisar wala sang tubig ukon tuman ka ninit ang supply, tanan nga mga member consumers ang nagabayad sang minimum payment nga masobra P200.
Paathag sang konsehal nga ang kantidad ang para kuntani sa 20 cubic centimeters nga konsumo sang tubig.
Positibo naman si Puentevella nga may monitoring ang BACIWA Prime Water, santo sa reading nila sang water consumpion kun diin ang mga areas nga wala sang supisyente nag tubig.
Gani dapat maluoy man sa mga residente, nga nagabayad sang indi patas nga balayran, kabaylo sang sungaw lamang nga nagagwa ukon mahigko nga tubod sang gripo.
Nagalaom ini nga ikonsiderar man sang BACIWA Prime Water ang ila request.
Sa paglibot sini sa ciudad, aminado ang konsehal nga ang mga pumuluyo ang makagat na sa bisan ano nga presyo basta may-ara lamang sang supisyente nga supply.
Sa personal sini nga pagpakig-angot, ginpasalig sang Prime Water Manager nga ginahulat na lamang sang mga ini ang resolusyon agud matsekyar ang kaundan, antes ang mga ini magadesisyon.
