Nagdangat sa 400 mil pesos ang natipon nga reward money para sa kun sin-o man ang makahatag sang impormasyon sa mga nagluthang-patay sa isa ka radio anchorman sa ciudad sang Dumaguete sa probinsiya sang Negros Oriental.
Suno kay Choy Gallarde, presidente sang Dumaguete Radio, Press and TV Club Incorporated naghatag sang 200 mil pesos ang Office of the President, 100 mil pesos ang gobernador sang probinsiya sang Negros Oriental kag 100 mil pesos man ang alkalde sang Dumaguete City para sa makatudlo sa nagpatay kay Edmund Sestoso sang DyGB FM Power 9.
Suno kay Gallarde, nagbisita kahapon sa haya sang anchorman si Communications Secretary Martin Andanar kag Special Assistant to the President (SAP) Bong Go kun sa diin ginpalab-ot ang reward nga igahatag sang goberyerno.
Magluwas diri, naghatag man si SAP Go sang cash assistance kag mga cellphone sa asawa kag duha ka menor de edad nga kabataan ni Sestoso.
May yara man sang educational assistance para sa kabataan sang anchorman.
Suno kay Gallarde, ginpalab-ot ni Andanar nga ginapadali man ni Presidente Rodrigo Duterte ang resolusyon sa kaso sang pagpatay sa anchorman sang riding-in tandem suspects.
