Nagdangat na sa kapin sa P400 million ang balor sang halit sa sektor sang agrikultura tuga sang Super Typhoon Carina kag Southwest Monsoon ukon Habagat.
Santo sa situation bulletin sang Department of Agriculture (DA), as of July 26, P399.91 million ang balor sang kapierdehan matapos ang nagluntad nga pagbaha.
Sa kabug-usan, 5,599 metric tons (MT) kag 23,256 hectares sang agricultural areas ang nahalitan sa Ilocos, Central Luzon, Calabarzon, Mimaropa, Bicol, Western kag Eastern Visayas, Zamboanga Peninsula, Soccsksargen kag Caraga regions kun sa diin 21,785 ka mga mangunguma ang apektado.
Ang mga pananum nga nahalitan amo ang humay, mais, high value crops kasubong man ang mga kasapatan kaangay sang manok, baka, kanding, karabaw kag iban pa.
Suno kay DA Assistant Secretary kag spokesperson Arnel de Mesa, wala sang ginalauman nga shortage sa supply sang humay, mais kag high value crops bangod nga nangin manami ang harvest season sang nakaligad nga tuig.
